Zahir Ki Aankh se Naa tamasha kare koi
Ho dekhna to deeda e dil waah kare koi
Padh Baithe Kya Samajh Kar bhala toor pe kaleem
Taaqat ho deed ki to taqaaza kare koi

Ilaahi Teri chokhat par bhikari ban ke aaya hun
Sarapa faqr hun ijzzo nadamat sath laya hun

Bhikari wo ke jiske paas jholi hai na pyala hai
Bhikari wo jise Hirso Hawas ne maar dala hai

Mata-e-Deeno Danish nafs ke hathon se lutwa kar
Sukun-e-Qalb ki daulat hawas ki bhet chadwa kar

Luta kar sari punji Ghaflato Isyaan ki daldal mein
Sahara lene aaya hun Tere Qaabe ke aanchal mein

Gunahon ki lipat se Kaynat-e-Qalb afsurda
Irad-e-Muzmahel Himmat shikasta Hosale murda

Kahan se laaun takat dil ki sachi tarjumani ki
Kis janjhal mein guzri hein gadhiyan zindagani ki

Khulasa ye ke bas jhal bhun ke apni roo siyahi se
Sarapa faqr ban kar apni halat ki tabahi se

Tere darbar mein laya hun apni ab zabuhali
Teri chokhat ke layik har amal se hath hein khali

Ye Tera Ghar hai Tere Maher ka darbar hai Maula
Sarapa Noor hai Ek Mohbat-e-Anfar hai Maula

Teri chokhat ke jo aadab hein mein unse khali hun
Nahin jisko saliqa mangane ka wo sawali hun

Zuban ghar ke nadamat dil ki nakas tarjumani par
Khudaya Rahem meri is zaban-e-Be Zubani par

Ye Aankhen khushq hein Ya Rabb inhe rona nahin aata
Sulagte daag hein Dil mein jinhe dhona nahin aata

Ilahi Teri chokhat par bhikari ban ke aaya hun
Sarapa faqr hun ijzzo nadamat sath laya hun